【香港口罩專門店】一文帶您遊覽MaskOn 全港各口罩門市！
【MO._生活美學深度遊】
第一站： MO._ANTHO/OGY 集結・沉澱・再生
活化後嘅中環街市，收藏咗好多擁有香港文化特色嘅店鋪，而我哋MO ANTHO/OGY亦都係其中之一。中環街市將本地歷史嘅痕跡一一集結，充滿香港情懷以及集體回憶，而ANTHO/OGY亦凝聚咗MO成立以來嘅創意。店內裝修就用咗最能夠象徵時間線嘅「木」為主色調，配襯埋水磨石色系嘅擺設，沉澱出一種格調，總結MO成立以嚟各種嘅生活靈感。如果你鍾意木系設計風格，就一定要嚟MO._ANTHO/OGY打卡啦 ！
開放時間：11:00 – 20:00
中環街市2樓239-240號舖
第二站：MO._ by MaskOn 實用空間設計
MO._ by MaskOn係MO嘅第一間實體店，作為一個起點，我哋選擇咗用清新得嚟又低調嘅絲蘭綠色調，配合翻MO嘅形象同埋營造清新放鬆嘅店舖環境。店內裝修則選擇咗實用空間嘅設計路線，設計師巧妙咁用咗可以輕易移動同埋配置嘅櫃組，令店鋪擺位同風格可以隨時隨地根據需求作出改變。令到舖面鬆動得嚟又擺放到一定數量嘅產品，為你提供一個舒適嘅購物過程。
開放時間：11:00 – 20:00
金鐘道 93 號金鐘廊 1 樓 LAB CONCEPT D07號舖
第三站：MO._GA//ERY 與藝術並存
MO GA//ERY絕對係吸引你去銅鑼灣買口罩嘅最大理由，因為MO GA//ERY除咗係一間口罩舖頭，更加係一間迷你畫廊，無時無刻都充滿藝術氣息。店鋪入面跟足畫廊嘅格局，展出唔同色調嘅Mood Series口罩，再配合淺灰同素白嘅主調，就好似展示緊一件件藝術品咁。MO GA//ERY仲設有藝術展牆，我哋會定期替換展品，展出唔同藝術家嘅作品，令大家購物嘅時候可以同時欣賞藝術。其實，MO GA//ERY唔單止係一間銅鑼灣口罩專門店，我哋希望將佢打造成為實用性與藝術性並存嘅地方，所以如果你係對藝術有興趣嘅，就記得過嚟參觀下啦！
開放時間：11:00 – 21:00
時代廣場B2層B232號舖
第四站：MO._AVENUE 格調
遊歷完銅鑼灣口罩店，可以轉場去九龍，感受下另一種氣氛。MO位於尖沙咀K11 Musea嘅口罩專門店，由於場地空間係長方形嘅，設計師就藉住呢個特點將MO._AVENUE 打造成一條星光大道，令客人可以喺店面周圍好寫意咁行。我哋亦都為咗營造一個可以令客人置身於珠寶店嘅感覺，所以特登參考咗珠寶展示櫃嘅設計，作為我哋展示同埋比客人選購貨品嘅地方，同時可以襯翻K11 Musea高級嘅格調。
開放時間：11:00 – 21:00
K11人文購物藝術館3樓LA 301-302號舖
第五站：MO._ATE/IER 現代美學
嚟到第五間MO Shop — MO ATE/IER，店內裝潢設計行簡約型格路線，用唔同深淺嘅灰調作為主軸，再配搭半透明玻璃隔牆同埋純白燈光，充分呈現出現代美學元素。半透明嘅儲物間，令你可以一睹我哋MO嘅工作模式，型格得嚟又高透明度！想喺沙田買口罩絕對要嚟MO._ATE/IER遊覽下。
開放時間：11:00 – 21:00
沙田新城市廣場三期3樓A371號舖
第六站：MO._ARCHIVES MO點滴
成日覺得啲店鋪陳列方式一成不變，一味將啲產品擺放得密密麻麻，毫無特色？其實產品陳列唔一定係沉悶嘅，都可以好簡潔時尚。MO ARCHIVES店如其名，設計到成間小型圖書館咁，店舖牆身有一個個開放式展示架，就好似書架咁整齊有序咁收藏MO各式各樣嘅產品，記錄低MO所有嘅點點滴滴。MO ARCHIVES充滿文青氣息，絕對值得對品味有追求嘅你嚟朝聖！
開放時間：11:00 – 21:00
元朗形點一期 1樓 1093號舖
第七站：MO._PAR/OUR 設計大廳
MaskOn最後一個生活美術地標MO PAR/OUR座落喺將軍澳，店鋪以簡約嘅深淺灰調配合純白燈光，刻劃出設計師內心嘅創意大廳。我哋希望你可以感受生活蘊釀創意，一齊體會MO嘅創作初心：「Muse a special kind of normal.」。
開放時間：11:00 – 21:00
將軍澳 PopCorn 1 期 F05號舖
MO 7間實體店嘅風格都截然不同，每一間都有唔同嘅亮點，有啲就充滿畫廊Feel，又有間似迷你圖書館咁，每一間概念店嘅特色同細節都數之不盡，單靠呢篇blog點會感受得曬呢？睇完對MO實體店有興趣嘅話就記住親身去遊覽下啦！