【居家佈置靈感】空間太單調？5款個性居家裝飾品推介，提升空間格調！
屋企唔淨止係一個食飯同瞓覺嘅地方，佢仲可以成為展現你生活品味同個人風格嘅專屬空間！想將你嘅安樂窩變成充滿品味嘅地方？其實只要透過精心挑選嘅居家裝飾品，就可以為屋企注入注入更多個人色彩，成為你獨一無二嘅窩居。
跟住落嚟，小編會同大家分享 5 款兼具實用性同設計美感嘅居家裝飾品，等你可以輕鬆提升家居格調，打造屬於自己嘅 Dream House！無論係房間擺設推薦定係客廳擺設推薦，相信總有一款啱你心水，話唔定分分鐘令你愛上留喺屋企嘅感覺！
提升空間質感嘅技巧與推薦
想輕鬆掌握家居佈置嘅精髓，同埋學識點樣揀選同擺放居家裝飾品，你就要知道以下呢幾個技巧！
家居佈置技巧(一)︰ 確定家居風格
想佈置出一個有質感嘅屋企，第一步就係揀一個統一嘅風格，咁先可以為後續嘅居家裝飾品鋪路！
-
經典設計與懷舊美學： 如果你鍾情於復古嘢，咁就可以揀返啲有歷史感嘅傢俬或者擺設，再加埋暖色調嘅質感布料，即刻令成個屋企有懷舊 Feel，好似時光倒流咁！
-
童話夢幻結合現代趣味： 如果你係「大細路」，鍾意啲活潑嘅嘢，或者屋企有小朋友嘅話，咁就可以將童話元素融入現代設計。例如：擺啲得意公仔或者卡通人物擺設，再配搭啲簡約線條嘅傢俬，咁就可以打造出一個既夢幻又充滿童趣嘅屋企！
家居佈置技巧(二)︰多用途傢俬同高效收納：小空間大功能
香港空間有限，善用每一吋地方絕對係家居佈置嘅關鍵！多功能傢俬同埋高效嘅收納家品就係你嘅好幫手啦，佢哋唔單止可以幫你慳位，仲會令成間屋望落去更加整齊，同時提升埋你嘅生活品味添！喺到想同大家推薦 MO 兩款既實用又有設計感嘅居家裝飾品，滿足大家嘅家居收納需求！
客廳擺設推薦１：設計感單椅 - MO x 紅A 漏斗櫈
擁有超過 70 年塑膠製造經驗嘅香港品牌紅 A 同 MO 聯乘，推出咗呢張充滿設計感嘅漏斗櫈，可以話係向香港製造業致敬嘅作品。呢張櫈嘅設計靈感嚟自於象棋，線條簡潔同時又帶出優雅嘅感覺。無論將呢張櫈擺喺屋企任何一個角落都能瞬間提升整體空間嘅格調，就算唔用嚟坐，佢本身都係一件極具特色嘅居家裝飾品 。同埋，漏斗櫈提供兩種顏色選擇，方便配襯唔同嘅家居風格，而且輕巧耐用，可堆疊收納，實用又唔佔位，將傳統同現代美學完美融合！！
購買連結：MO x 紅A | 漏斗櫈
價錢：$299
房間擺設推薦２：多功能收納盒 - MO x 紅A 迷你萬能櫃桶
呢個 MO x 紅 A 迷你萬能櫃桶，絕對係收納控嘅恩物！佢同樣都係 MO 同香港老字號紅 A 聯乘嘅誠意之作。迷你萬能櫃桶嘅設計靈感嚟自文件櫃，唔好睇佢細細個咁，其實可以裝到好多嘢㗎！迷你萬能櫃桶可以輕鬆幫你分類房間嘅文具、文件、小型玩具，或者其他雜物，唔會霸佔好多空間之餘，仲可以隨意疊高，咁就可以將啲嘢收得整整齊齊啦！迷你萬能櫃桶仲有啞灰同埋啞紅色呢兩種顏色選擇，等大家可以根據個人喜好同家居風格揀返適合自己嘅款式！
購買連結：MO x 紅A | 迷你萬能櫃桶
價錢：$199
家居佈置技巧(三)︰點綴裝飾 — 小細節提升空間格調
有時屋企總係覺得好似爭咗啲咩，其實往往就係欠缺一兩件畫龍點睛嘅裝飾品。如果識得選擇合適嘅家居擺設，唔單止可以令成個空間即時充滿生命力，仲可以突顯你獨特嘅個人風格。如果想提升生活品味，放掛畫同海報就係一個好選擇啦！建議揀啲可以反映你個人品味嘅藝術品，例如：抽象畫、城市風景畫，或者有意思嘅文字海報，掛喺牆上面製造視覺焦點。
除咗掛畫之外，其實適當咁擺放一啲小型擺設，例如︰有象棋元素圖案嘅小飾品，無論放喺書櫃、電視櫃定茶几，都可以為屋企加分，營造更有心思同個性嘅居住環境！講咗咁耐，相信大家都好好奇，究竟有咩房間擺設推薦或者客廳擺設推薦呢？以下呢兩樣產品係 MO 精選嘅擺設推薦，希望可以幫大家揀到最啱心水嘅居家裝飾品！
房間擺設推薦：迪士尼掛牆鐘 - EXPRESS YOURSELF
時鐘唔只係用嚟睇時間咁簡單，佢都可以係一件藝術品！好似呢個迪士尼掛牆鐘咁，佢係 MO 迪士尼系列入面其中一款最受注目嘅產品！呢款迪士尼風格掛牆鐘設計十分可愛，以簡約嘅白色作主調，再配上米奇同其他經典角色，充滿童趣又唔失時尚感。鐘面設計不但吸睛，亦非常實用，掛鐘仲會 Show 埋個日期，有助提醒你記得重要日子！將呢個鐘掛喺牆上，即刻可以為屋企注入活力同溫馨氣氛，無論係放喺睡房定客廳，都非常適合。
購買連結：MO 迪士尼掛牆鐘 | 米奇家居掛牆鐘
價錢：$3,488
客廳擺設推薦：迪士尼米奇手家居擺設 - MAD MICKEY 2
MO 迪士尼系列入面另一個備受注目嘅產品就係米奇手啦！呢個米奇手擺設造型獨特，完美還原咗米奇標誌性嘅白色手掌，又可以用佢嚟放鎖匙、散紙、公仔各樣嘢。將佢擺喺電視櫃、枱面或者係層架上面，絕對可以增添屋企風格！
提一提大家，呢隻米奇手擺設係限量產品嚟㗎！黑白同粉紅色各限量 300 隻，而且每隻米奇手底部都有自己專屬嘅編號（例如：001 / 300），超有收藏價值㗎！如果你想居家裝飾品嘅設計感更加豐富，仲可以買多隻米奇手一齊放，放到更多嘢之餘，睇落去仲型啲添！
購買連結：MO 迪士尼米奇手 | 米奇手家居擺設
價錢：$498
家居佈置技巧(四)：營造氛圍 — 香薰與放鬆空間
一個真正令人放鬆嘅屋企，除咗視覺上要舒適養眼，嗅覺享受都同樣重要！香薰作為營造家居氣氛嘅小幫手，可以讓你在繁忙生活之中隨時享受片刻寧靜，幫助紓壓，提升生活質感。喺度特別想推介香港製造嘅手工香薰蠟燭，無論用嚟放鬆自用定送禮，都可以為家居添上一份獨特嘅暖意及品味！
房間擺設推薦：MO 手工香薰蠟燭
MO 推出咗幾款特色手工香薰蠟燭，每款都帶有細膩而獨特嘅香氣，由雪松木香、茉莉花香到玫瑰與草本氣息，無論你鍾意溫暖木調、清新花香或浪漫氣息，都可以搵到心水選擇。只要點燃蠟燭，屋企即刻瀰漫溫馨同治癒氛圍，特別推介放喺睡房或者浴室，沖涼或臨瞓前點著，就可以營造一個專屬於自己嘅靜謐放鬆空間。就算唔點著蠟燭，霧面玻璃燭杯配上簡約設計，本身都已經係一件精緻有格調嘅居家裝飾品，為日常空間增添質感同品味。
購買連結：MO 手工香薰蠟燭
價錢：$224
總結
選擇居家裝飾品佈置家居，唔單止令空間更靚，更加係一種展現生活態度同個人品味嘅方式。透過精選多功能傢俬同高效收納設計，可以令每個角落都實用又有格調。
希望今次分享嘅家居佈置建議同推介，幫到你輕鬆打造一個既舒適又有個性嘅安樂窩。快啲去 MO 官網或者門市睇吓，尋找屬於你嘅居家裝飾品，為生活空間創造儀式感同注入新氣象啦！